2025-йилда Қирғизистонда 33,2 миллиард сом маблағга 55 та янги қишлоқ хўжалиги корхонаси очилади

2025-йилда Қирғизистонда қишлоқ хўжалиги саноати соҳасида катта ўсиш кутилмоқда. Қишлоқ хўжалиги вазирлиги томонидан берилган маълумотларга кўра, 55 та янги корхона ишга туширилиши режалаштирилган. Бу корхоналар қишлоқ хўжалиги маҳсулотларини қайта ишлаш ва экспорт инфратузилмасини ривожлантиришга қаратилган.
Янги объектлар очилиши учун умумий 33,2 миллиард сом маблағ ажратилиши режалаштирилган. Бу маблағлар республика бюджети ва чет эл инвестицияларидан жалб қилинади. Очиладиган корхоналарга қуйидагилар киради:
- 13 та савдо-логистика маркази ва омборлар;
- 6 та гўштни қайта ишлаш заводи;
- 6 та балиқ ва денгиз маҳсулотларини ишлаб чиқариш заводи;
- 11 та сабзавот ва мева қайта ишлаш корхонаси;
- 1 та тупроқ ўғитларини ишлаб чиқариш цехи;
- 1 та тамаки заводи;
- 4 та нон ва ширинлик ишлаб чиқариш заводи;
- 3 та ўсимлик мойи қайта ишлаш корхонаси;
- 3 та тери ва пахта қайта ишлаш заводи;
- 5 та сут заводи;
- 2 та карантин фитосанитария лабораторияси.
Ушбу янги корхоналар Қирғизистоннинг қишлоқ хўжалиги ва экспорт имкониятларини янада кенгайтиришга ёрдам беради.
