Озон ўзбекистонлик сотувчиларга 2027 йил сентябрига қадар товарларни омборда бепул сақлаш имкониятини тақдим этди
Компания маҳаллий бизнес учун имтиёзли комиссия ставкалари, оптималлаштирилган логистика тарифлари, Дидох орқали электрон ҳужжат айланиши ва солиқ ҳисобини автоматлаштириш имкониятларини ҳам таклиф этди. Янги шартлар Тошкентда бўлиб ўтган Come Он Форум доирасида тақдим этилди. Озон компанияси Тошкентда бўлиб ўтган Come Он Форум доирасида Ўзбекистондаги фаолиятини кенгайтириш стратегияси ва маҳаллий тадбиркорларни қўллаб-қувватлашга қаратилган бир қатор воситаларни тақдим этди. [caption ид=«аттачмент_10282» алигн=«алигнноне» width=«829»]
пҳото: Chamber.uz[/caption] Асосий эътибор сотувчиларнинг операцион харажатларини камайтириш, маъмурий жараёнларни соддалаштириш ҳамда ўзбекистонлик ишлаб чиқарувчиларнинг электрон савдо майдончасига чиқиши учун янада қулай шароитлар яратишга қаратилди.
Озон ўзбекистонлик сотувчиларга айнан қандай имкониятларни таклиф қилди?
Тақдим этилган дастур доирасида компания маҳаллий бизнесни қўллаб-қувватлашнинг тўртта асосий йўналишини белгилаб берди. 1. Имтиёзли комиссия ставкалари ва логистика тарифлари Маҳаллий сотувчилар учун товарларни сотишда имтиёзли комиссия ставкалари ва логистика хизматлари бўйича оптималлаштирилган тарифларни ўз ичига олган махсус тариф режими жорий этилган. Бу тадбиркорларга маркетплейс орқали савдо қилиш билан боғлиқ харажатларнинг бир қисмини камайтириш ва ўз маҳсулотларининг рақобатбардошлигини ошириш имконини беради. 2. 2027 йил сентябрига қадар омборда бепул сақлаш Компаниянинг энг муҳим таклифларидан бири — 2027 йил 1 сентябрга қадар товарларни омборда сақлаш учун ноллик тариф жорий этилишидир. Ушбу чора маҳаллий сотувчиларга белгиланган муддат давомида маркетплейс омборларидаги товар захираларини сақлаш хизмати учун ҳақ тўламасдан жойлаштириш имконини беради. Ишлаб чиқарувчилар учун бу электрон савдо майдончасига чиқиш, маҳсулот ассортиментини шакллантириш ва товар захираларини сақлаш билан боғлиқ дастлабки инвестициявий ҳамда операцион харажатларни қисқартириш имкониятини англатади. 3. Дидох орқали электрон ҳужжат айланиши Озон электрон ҳужжат айланиши тизимини Дидох платформаси билан интеграция қилиш имкониятини ҳам тақдим этди. Ҳужжат айланиши ва якуний ҳисоб-китоб ҳужжатларини расмийлаштириш жараёнлари Ўзбекистон қонунчилиги талабларига мослаштирилган. Бу маркетплейс ва маҳаллий тадбиркорлар ўртасидаги ҳамкорликни соддалаштириш, шунингдек, қўшимча қоғозбозлик жараёнларини қисқартиришга хизмат қилади.
4. Солиқ ҳисобини юритиш ва фискализация жараёнларини автоматлаштириш Қўллаб-қувватлашнинг яна бир йўналиши солиқ маъмуриятчилиги билан боғлиқ. Касса чекларини шакллантириш ва ҳисоботларни тайёрлаш жараёнлари Ўзбекистонда маркетплейслар фаолиятига нисбатан белгиланган норматив-ҳуқуқий талабларни инобатга олган ҳолда автоматлаштирилган. Бу сотувчиларга ҳисоб-китобларни амалга ошириш ва зарур фискал талабларни бажариш учун мослаштирилган воситалардан фойдаланиш имконини беради.
Озон Ўзбекистонда қандай ривожланмоқда?
Озон Ўзбекистон бозорига 2023 йилда кириб келган. Компания маълумотларига кўра, 2025 йилда мамлакатдаги бизнес айланмаси ўтган йилга нисбатан қарийб 4 баробарга, фаол харидорлар сони эса қарийб 3,5 баробарга ошган. Компаниянинг мамлакатдаги логистика инфратузилмаси Тошкентдаги саралаш марказини ўз ичига олади. Шу билан бирга, Озон буюртмаларни топшириш пунктлари тармоғини ҳам ривожлантириб, истеъмолчилар учун электрон савдодан фойдаланиш имкониятларини кенгайтирмоқда.
Тўқимачилик ва тикув-трикотаж саноати учун янги имкониятлар
Тақдим этилган шарт-шароитлар Ўзбекистон енгил саноати корхоналари учун алоҳида аҳамият касб этиши мумкин. Кийим-кечак, трикотаж, уй текстили, пойабзал ва аксессуарлар ишлаб чиқарувчилари тайёр маҳсулотларни электрон савдо орқали илгари суриш ва сотиш учун қўшимча имкониятларга эга бўлади. Хусусан, маркетплейсдан фойдаланиш ўз савдо белгилари остидаги маҳсулотларни сотиш, савдо географиясини кенгайтириш ва якуний истеъмолчилар билан тўғридан-тўғри алоқаларни йўлга қўйиш учун қўшимча канал бўлиб хизмат қилиши мумкин.



