Ўзбекистон ва Покистон тўқимачиликда ҳамкорликни кенгайтирмоқда

“Дунё” АА маълумотига кўра, Ўзбекистон ва Покистон тўқимачилик соҳасида ҳамкорликни кенгайтиришни режалаштирмоқда. Шу мақсадда Покистон делегацияси Ўзбекистонга ташриф буюриб, савдо ва инвестиция имкониятларини муҳокама қилди.
Учрашувда қўшма лойиҳалар, саноат кооперацияси ва логистика масалалари кўриб чиқилди. Ўзбекистондаги инвесторлар учун имтиёзлар ва қулай шароитлар тақдим этилди, Покистон томони эса мамлакатнинг тўқимачилик салоҳиятини юқори баҳолаб, ҳамкорликка қизиқиш билдирди. Якунда савдо ҳажмини ошириш ва ҳамкорликни кенгайтириш бўйича келишувга эришилди.
Келгусида икки давлат ишбилармонлари ўртасида алоқалар янада фаоллашиши кутилмоқда. Бу эса янги инвестиция лойиҳалари ва қўшма ишлаб чиқаришларнинг йўлга қўйилишига хизмат қилади.
