Бухорода Туркия билан мебельсозлик соҳасида ҳамкорлик кенгаймоқда

Бухорода вилоят ҳокими Ботир Зарипов Туркиянинг “Бурано мебел” компанияси вакиллари билан учрашув ўтказди. Музокараларда вилоятда мебельсозлик йўналишида янги инвестиция лойиҳаларини амалга ошириш ва қўшма ишлаб чиқаришни йўлга қўйиш масалалари кўриб чиқилди.
Туркиялик тадбиркорлар Ўзбекистонда яратилган бизнес муҳити ва ислоҳотларни юқори баҳолаб, ҳамкорликни кенгайтиришга тайёр эканликларини билдиришди.
Томонлар замонавий технологияларни жалб қилиш, тажриба алмашиш ҳамда ишлаб чиқариш лойиҳаларини босқичма-босқич амалга ошириш бўйича келишиб олдилар.
Ушбу ҳамкорлик Бухорода мебельсозлик саноатини ривожлантириш, янги иш ўринларини яратиш ва экспорт имкониятларини кенгайтиришга хизмат қилиши кутилмоқда.
