Енгил саноатда янги солиқ имтиёзлари жорий этилди

Ўзбекистон Республикаси Президентининг Фармонига кўра, мамлакатимизда енгил саноатни қўллаб-қувватлаш ва тадбиркорлик фаолиятини янада рағбатлантириш мақсадида муҳим солиқ имтиёзлари жорий этилган.
Хусусан, тикув-трикотаж, пойабзал ҳамда чарм-атторлик йўналишларида фаолият юритаётган тадбиркорлар учун 2028 йил 1 январга қадар:
фойда солиғи — атиги 2%
ижтимоий солиқ — 1% этиб белгиланган
Мазкур имтиёзлардан фойдаланиш учун қуйидаги муҳим шартлар бажарилиши лозим:
— ходимларнинг ўртача ойлик иш ҳақи энг кам иш ҳақининг камида икки бараваридан кам бўлмаслиги;
— соҳа маҳсулотларини реализация қилишдан тушган тушум умумий даромаднинг камида 70 % ини ташкил этиши.
Бу каби имкониятлар енгил саноат ривожини жадаллаштириш, янги иш ўринларини яратиш ҳамда тадбиркорлар фаолиятини қўллаб-қувватлашга хизмат қилади.
