Жаҳон чемпионати-2026: футбол формаси янгича кўринишда

2026-йилги ФИФА Жаҳон чемпионати олдидан футбол формаси дизайни янги босқичга чиқди. АҚШ, Мексика ва Канада мезбонлигида ўтадиган турнир учун миллий терма жамоалар либосларини жами 13 та спорт кийимлари бренди ишлаб чиқмоқда.
Энг катта улуш Адидас, Нике ва Пума брендларига тегишли бўлиб, улар жамоаларнинг қарийб 75–77 фоизини таъминлайди. Қолган жамоалар эса Келме, Умбро, Каппа, Реебок каби кичик брендлар томонидан кийинтирилади. Бу эса кичик ишлаб чиқарувчилар иштирокининг ҳам кенгайиб бораётганини кўрсатади.
Шу билан бирга, 2026-йилги турнир формаси оддий спорт кийимидан кўра кўпроқ мода ва маданият уйғунлигига айланди. Нике, Jacquemus, Palace, Патта, NOCTA (Драке), Г-Драгон ва Адидас каби дизайнерлар миллий рамзлар ва замонавий стритвир услубини бирлаштирган махсус коллекциялар яратди.
Адидас Япония, Мексика ва Чили жамоалари учун маданий маънога эга минималистик дизайнлар ишлаб чиқди. Пума Гана учун фольклор мотивларини қўллади, Ўзбекистон формаси эса 7сабер бренди томонидан қадимий мозаика нақшлари асосида тайёрланди.
Умуман олганда, 2026-йилги Жаҳон чемпионати формаси спорт, мода ва технология уйғунлашган глобал трендга айланмоқда.
